Eet Meer Groente - Patat

OK, so ons almal eet te min groente. En tog is groente gesond en kan mens so baie daarmee doen. Niemand is lus vir gestoomde groente elke dag nie (veral nie dié van ons wat probeer diet nie) - toe dink ek dis 'n goeie idee om vir julle 'n paar idees te gee van wat mens alles met groente kan doen. En was daar baie resepte in my argiewe! Ons begin ook sommer elke groentesoort met info wat ek van die internet af gekry het. Mens wil darem weet hoekom dit gesond is om groente te eet!

Health Benefits of Sweet Potato

Sweet potato is amongst the oldest vegetables today, believed to be in consumption since centuries. In fact, the sweet potato relics found in Peruvian caves date back to 10,000 years ago and serve as the best proof of their consumption even in the prehistoric times. Though sweet potatoes are native to Central America, they are cultivated in almost every country of the world today. At present, there are as many as 400 varieties of the vegetable, with the flesh ranging from white and yellow to orange in color and the thin skin being white, yellow, orange, red or purple. If you want to explore some information on the health and nutrition benefits of eating sweet potatoes, read on further.

Nutritional Value of Sweet Potato
Given below is the amount of nutrients in 100 gm of sweet potatoes:
Carbohydrates - 20.1 gm
Sugars - 4.2 gm
Dietary fiber - 3.0 gm
Fat - 0.1 gm
Protein - 1.6 gm
Vitamin A - 709 μg
β-carotene - 8509 μg
Thiamin (Vitamin B1) - 0.1 mg
Riboflavin (Vitamin B2) - 0.1 mg
Niacin (Vitamin B3) - 0.61 mg
Pantothenic acid (Vitamin B5) - 0.8 mg
Vitamin B6 - 0.2 mg
Folate (Vitamin B9) - 11 μg
Vitamin C - 2.4 mg
Calcium - 30.0 mg
Iron - 0.6 mg
Magnesium - 25.0 mg
Phosphorus - 47.0 mg
Potassium - 337 mg
Zinc - 0.3 mg
Calories - 90 kcal (360 kJ)

Health & Nutrition Benefits of Eating Sweet Potatoes
Being rich in dietary fiber, sweet potato lowers the risk of constipation, diverticulosis and colon and rectal cancer.
Sweet potatoes have been found to helpful in minimizing the risk of heart disease, diabetes and obesity.
Sweet potato is a good snack for those trying to lose weight. It induces a feeling of fullness soon and thus, helps control food intake.
Consumption of sweet potatoes has been known to help avoid stroke, by bringing down the harmful effects of low-density cholesterol & preventing blood clots.
The presence of beta-carotene in sweet potato helps the body fight against free radicals and thus, prevents cancer.
Since sweet potatoes have a low glycemic index, they can be consumed by those suffering from diabetes, without any apprehensions.
The high amount of potassium in sweet potato helps the body in maintaining fluid and electrolyte balance as well as cell integrity.
Sweet potatoes have been found to be beneficial for blood purification as well as lowering of blood pressure.
Owing to the presence of iron and calcium, sweet potatoes ensure proper blood flow and also improve bone density.
Regular consumption of sweet potato is good for stomach ulcers and inflamed conditions of the colon.
Being rich in vitamins and minerals, sweet potato is good for people involved in heavy muscular work.

Patat vries wonderlik. Jy kan enige een van die volgende resepte vries. Maak dit wanneer patat goedkoop is en vries dit vir latere gebruik.

Yvonne se Soetpatats

Hierdie is die lekkerste van lekker patat. Dis ook Wimpie se gunsteling. Inteendeel, ek is al gesê ek kan maar enige ander patatresep weggooi - hy wil net hierdie ene eet.

2 kg patat
375 ml geel suiker
375 ml water
2 hoogvol eetlepels Maizena (mielieblom)
5 ml karamelgeursel

Was die patat en kook dit in 'n groot kastrol tot gaar. Skil dit af en sny in skywe. Pak die patatskywe in 'n reghoekige glasbak. Meng die suiker, water, mielieblom en geursel goed saam.
(Stip die patats met blokkies margarien, indien verkies.) Verhit die suikermengsel effens, tot die suiker gesmelt het. Gooi dit oor die patat en bak teen 180 grade vir 30-40 minute, of tot die suiker stol en karameliseer.

Graanvlokkie Patat

Patat met 'n sopie brandewyn - o gatta patatta! (Vir dié van julle wat nie weet nie, die alkohol in die brandewyn kook weg en net die lekker geur van die brandewyn bly oor.)

4 patats
190 ml geelsuiker
25 ml brandewyn
60 ml botter
2,5 ml fyn kaneel
125 ml graanvlokkies (Corn Flakes)

Kook die patats tot gaar en sny dit in skywe. Pak die patat in lae in 'n oondvaste bak. Meng die suiker, brandewyn, botter en kaneel saam. Verhit dit stadig tot die suiker gesmelt is. Gooi die sous oor die patat. Druk die graanvlokkies bietjie fyner en strooi dit bo-oor die patats. Bak in 'n voorverhitte oond teen 180 grade tot die gereg deurwarm is, en die graanvlokkies mooi bruin is.
Bedien warm.

Retha se Lemoenpatats

Geen resepversameling is volledig sonder 'n resep vir lemoenpatats nie. Hierdie is my ma se resep, en het 'n lekker "twist" in die vorm van die rosyntjies. As jy nie van rosyntjies hou nie (soos ek!) , los dit eenvoudig uit.

2 kg patat
50 ml mielieblom
500 ml lemoensap
125 ml bruin suiker
2 ml sout
2 ml gerasperde lemoenskil
125 ml pitlose rosyne

Voorverhit die oond tot 180ºC.
Kook die patat met die skil tot sag. Skil af en sny in skywe. Pak in ‘n groot oondvaste bak. Meng die mielieblom met bietjie lemoensap tot gladde pasta. Voeg die res van die lemoensap by, asook die suiker, sout, lemoenskil en rosyntjies. Verhit die sous tot dik en gooi die oor die patat. Bak vir 30 minute tot die patat deurwarm is.

Njammie-Patats

Ek moet bieg - ek het nog nie die resep gemaak nie. Maar dit klink absoluut divine. Ek was van plan om dit een Sondag te maak, maar ek kon nie mini-malvalekkers in Bredasdorp kry nie. (Ek weet Mr Sweet maak sulke wittetjies.) Maar sodra ek weer Kaap toe gaan, gaan ek 'n groot voorraad mini-malvalekkers koop om dié ene te maak. Miskien eet Erik dit ook as daar "pienk" op is. (Dis Erik se woord vir malvalekkers al van kleins af.)

1.5 kg patat
300 ml margarien
300 ml bruin suiker
750 ml mini-malvalekkers
2.5 ml fyn kaneel
1 ml fyn neut

Kook die patat tot gaar en skil af. Sny die patat in groterige blokkies, en druk van die blokkies effens fyner met 'n vurk. Voorverhit die oond tot 180 grade. Smeer 'n oondvaste bak.
Meng die margarien, bruin suiker, 500 ml van die malvalekkers, kaneel en neut saam in 'n kastrol. Kook oor medium hitte, en roer gedurig tot die malvalekkers gesmelt is. Meng die patat goed by die mengsel in. Skep dit in die voorbereide bak uit en bak in die oond vir 15 minute. Verwyder uit die oond en gooi die res van die malvalekkers bo-oor. Plaas terug in die oond en bak tot die malvalekkers gesmelt en goudbruin is.

Patatkoekies

As mens dit met pampoen kan doen, kan mens dit seker met patat ook doen?

500 ml fyn, gaar patat
125 ml koekmeelblom
2 eiers
olie vir vlakbraai

Meng die patat en meel goed. Klits die eiers saam en voeg dit by die patat. Meng tot 'n sagte deeg. (Indien dit te styf is, kan 'n bietjie melk bygegooi word.) Verhit die olie in 'n kleefvrye pan en braai lepelsvol van die deeg daarin tot gaar en goudbruin.
Bedien warm met kaneelsuiker, heuning en suurlemoen.

Nutty Crust Patat

OK, bogenoemde resepte was almal redelik gesond. Wel, soortvan. Maar mens moet darem 'n dekadente resep ook hê wat jou are laat toeslaan deur net daaraan te dink. As dit die tipe resep is wat jy soek, moenie verder soek nie. Hierdie resep gaan verseker jou soettand ruk en jou cholesterol op 'n onnatuurlike "high" sit. En al sal jou skuldgevoel jou nie toelaat om hierdie gereg meer as een maal elke tien jaar te eet nie, is dit regtig heerlik.

4 kg patat
3 pakke Nutticrust-beskuitjies
250 ml vars room
500 g goue stroop

Kook die patat in soutwater tot sag. Skil af en maak fyn. Smeer 'n oondvaste bak. Neem een van die pakke Nutticrust en pak dit in 'n enkellaag onderin die bak. Skep die helfte van die patat oor. Maak die stroop bietjie warm en gooi die helte oor. Gooi ook die helte van die room bo-oor. Krummel die tweede pak beskuitjies en gooi dit oor die patat. Skep die tweede helfte van die patat bo-oor en maak gelyk. Gooi die res van die stroop en room oor. Krummel die laaste pak beskuitjies en strooi dit bo-oor die patat. Bak vir 20-30 minute by 180 grade tot die gereg deurgaar is.